تربية الحمام

مشروع تربية 100 زوج حمام و كيفية الربح من تربية الحمام

مشروع تربية 100 زوج حمام و كيفية الربح من تربية الحمام

الجزء المادي لدراسة الجدوي :
1) 100 جوز حمام بلدي ( 100 جوز × متوسط سعر الجوز 30 ) = 3000 جنيها طبعا لو انت جبتهم مرة واحدة من مزرعة او من شخص واحد ممكن التكلفة تقل علي اساس افتراضي انك هتاخد الجوز في حدود 27 جنيها = 2700 الفرق 300 جنيها يعني متوسط الاسعار
الحد الادني 2700 الي الحد الاقصي 3000 جنيها ( طبعا انا حددت حد اقصي 30 جنيها لانك هتشتري كمية مش عدد قليل الله أكبر
2) عيون التربية من وجهة نظري هتوفر معاك لو ربيت في صفائح وعموما هعطي لحضرتك بديلين :
الاول : صفائح = 120 صفيحة ( طبعا انا زودت 20 صفيحة زيادة لان مش معقول ان الحمام هيظبط نفسه بالترتيب علي الصفايح ) × 1 جنيها للصفيحة
= 120 جنيها في المتوسط
الثاني : عيون خشب بسعر تجاري من السوق = 120 عين × 10 جنيها الي 12 جنيها سعر جملة تقريبي = 1200 جنيها الي 1400 جنيها

2) المساقي = هتجيب مساقي الدواجن البلاستيك اكيد عارفها هتجيب في حدود من 20 الي 25 واحدة بس السعر للامانة مش عارفه لاني مجبتهاش قبل كده بس المؤكد انك مش هتجيب مساقي فخار ( جزئية السعر ممكن حد من الافاصل يفيدك فيها لتكملة الدراسة )
3) المكالف = هتعمل قوالب خشب طويلة ورفيعة او تحط كذا صاج فرن وتوزعهم في اركان الغرفة بطريقة كويسة وان كنت افضل انك تعمل كام درج خشب وتكلفتهم مش محتاجه تزودها في التكلفة الكلية
4) طواجن بيض ( في حالة فقط لو هتشتري عيون لكن لو صفايح مش محتاج جزئية طواجن فخار بس انا وضعتها احتياطي = 100 طاجن × 75 قرش = 75 جنيها ( من 75 الي 100 جنيها ) اعتماد ايضا” انك هتشتري كمية حطيت حد ادني وحد اعلي
5 ) فيتامينات ومضادات ( الدارج استخدامها وليس المستوردة منها ) = في حدود من 200 الي 300 جنيها
6) كلفة دي حسب مقدرتك بس اكيد في الاول هتجيب كمية كويسة تمشي بيها نفسك اعتقد لايقل عن 500 جنيها

اجمالي الدراسة في حالة لو استخدمت عيون خشب ( بدون سعر المساقي ) = الحد الادني ( 4775 جنيها ) الحد الآعلي ( 5300 جنيها )

اجمالي الدراسة في حالة لو استخدمت صفائح ( بدون سعر المساقي ) = الحد الادني ( 3695 جنيها ) الحد الآعلي ( 3900 جنيها )

الفرق بين العيون الخشب والصفائح في اجمالي السعر :
الفرق في الحد الادني : 1080 جنيها
لفرق في الاحد الاعلي : 1400 جنيها


(نصائح هامة ) موسوعة زاجل المتخصصة فى تربية الحمام تنصح جميع المربين و غواه تربية الحمام بالتالى :

1- الإهتمام بنظافة مكان تربية الحمام و العناية بنظافة المكان إسبوعياً .
2- غسيل أوانى الشرب يومياً للوقاية من الأمراض مثل السالمونيلا و أمراض الجهاز التنفسى .
3- التأكد من نظافة كلفة الحمام و شرائها من مصدر موثوق . 4- الحرص على توفير كافة العناصر الغذائية فى كلفة الحمام و تنويع الحبوب داخل كلفة الحمام .
5- الحرص على توفير مواد التحديق مثل الجرش و الفحم و الخلطات الجاهزة لأهميتها خاصة أثناء موسم التزاوج .
6-عزل الحمام المريض و التعامل سريعا لإحتواء أى أمراض مثل الكنكر و السالمونيلا .
7-قضاء الوقت المناسب مع الحمام مع الملاحظة الشديدة للحمام للتعرف على أى أعراض مرضية قد تظهر مثل الأمراض التنفسية و إبتعاد فرد الحمام عن الأكل أو الإنكماش و نفش الريش إلخ .
8-الإهتمام بتنظيف العيون جيدا خاصة بعد كل عش .
9-شراء الجرش بكمية كبيرة لن يتخطى تكلفة 80 جنية وزن يتخطى 100 كيلو للشيكارة و يضاف عليها جير حى و فحم علما ان هذه المكونات تتوفر لدى بائعى و تجار الكلفة و الغلة .
10-يجب أن تتعلم الحقن حتى تستطيع علاج الحالات المرضية الشديدة بالحقن مباشرة


إذا لديك إى إستفسار أتركه فى التعليقات أو تواصل معنا عبر نموذج إتصل بنا
الوسوم
حمل تطبيق موسوعة تربية الحمام مجانا حمل تطبيق زاجل مجانا

موسوعة زاجل لتربية و علاج الحمام

أحب تربية الحمام الغزار المصرى و الحمام الزينة بأنواعه المختلفة لذا قررت إطلاق أول و أكبر موسوعة مصرية فى تربية الحمام الغزار المصرى , تتميز الموسوعة بمحتواها من أهم معلومات حول تربية و إنتاج الحمام و تغذية الحمام و طرق تربية الحمام الصحيحة كما توفر محتوى مميز من أمراض الحمام و طرق العلاج .

مقالات ذات صلة

زر الذهاب إلى الأعلى
إغلاق