كلام غاوي مصطلحات الغيه
مصطلحات تستخدم فى هواية الحمام
الحصي: اللي هو البيض
بيشخور : يعني فرد حمام يبقي طاير مع المجموعه وفجاه يصقف بجناحه ويسيب الحمام ويطير لواحده
تقليب الحمام : يعني هل المواصفات القياسيه للنوع توافرت فيه ام لا
العضم : يعني المنقار بتاع الطائر
قص: يعني جوز دكر ونتايه متزوجين
بيخنن.يعني الدكر بيجهز المكان اللي هما هيبيضوا فيه ويقعد جواه ويصدر صوت والنتايه تدخل جنبه
السروال :او الشروال.الريش اللي بيبقي في رجل بعض انواع الحمام
القوادم.او السلاح يعني اول ريشات في الجناح لدي الطائر
الترميل.يعني تجيب لصق وتلفه حول اول 7 ريشات من الطائر علشان ميقدرش يطير
الخرط..يعني تقص جناح الطائر بالمقص
النتف..يعني تنزع ريش الجناح
الاوله..يعني لما تيجي تنش(تطير الحمام)بيبقي فيه رميه اولي وفي الغالب بيكونوا الشبابات
الضرب = لون العين
عين بكمه = العين ذات اللون الغامل تكاد تكون سوداء مثل عين الابيض شقلباظ
دبابير = هى ريش ملون فى رقبة الصافى على شكل نقط ملونه
ثوب = لو ريش الفرد
دبك = الخط الموجود فى جناح البلق
حبايك = الخط الموجود فى جناح الصافى
العشر = 10 ريشات من اول جناح الفرد
قلش = تغيير الريش
عَرَق = ظهر الغيه
القوادم = السُـبّق
الترميل = التشكيل ( كانوا في الماضي يقومون بهذه العملية من خلال خيط يعقد بطريقة فنيّة حول الريش ، لعدم وجود الأشرطة اللاصقة ، تربط الريشة تلو الأخرى وهكذا … ).
الخرط = القرض
وهناك نفس الكلمات تستخدم عندنا مثال ذلك :
ضرب مقلب= اصطاد فرد حمام مش بتاعه عن طريق الشباك التي تنصب علي مسكن الحمام
مفوش=الحمام به حشرة الفاش اللعينه
مجدر=اصيب بمرض الجدري
جصايه=اشبه بمرض الجدري
حمام زقاق= حمام دكوره ونتي بيبيضوا وينتجوا زغاليل والقصد الاهم من تربيتهم الانتاج وليس النش
عضمه قصف=يعني الفرد منقارره صغير
فرد ملطش=يعني تركيب انواع مع بعضهم بدون نظام اي فاقد لصفاته القياسيه
عقدت او عقد=يعني الفرد لما يجيله الهزه ورقبته تلف وتفضل مقلوبه يبقي اسمها(عقدت معاه)
صلح=يعني اتنين من الغواه او اكثر عاملين تصالح ولا ياخذون حمام بعضهم واذا اصطاد الاخر حمام المتصالح معه يرجعهوله تاني
ضد=عكس الصلح تماما
الاخماس = العيون= المكان اللي بينام فيه الحمام داخل اللوفت
كتم=يعني الزغلول لما يبطل صوصوه بيبقي اسمه كتم صوت ويبدا صوته يكتمل بقي
بينور الحمام=يعني لما الغاوي ييجي يطلع الزغاليل اول مره علشان يشوفوا الدنيا شكلها ازاي وياخدوا علي المكان
زغلول شوك = يعني الريشبدا يظهر علي الزغلول زي الشوك
زغلول بطش = يعني الزغلول بدا يقدر ياكل لوحدة
العضا او الجتة = يعني جسم الحمامة
القصعة = الجزء اللي هو اخر الظهر و اول الزيل
الاباشد = يعني الاكتاف
حصي عمران =يني بيضة فيها زغلول
حصي معرق =يعني عروق الدم ظهرت و دة بيكون في اليوم الخامس من الكشف علي الحصي عشان نعرف اذا كان عمران و لا لا
زيل شماسي = الديل بيكون عامل زي نص الدائرة و دة في حمام الشامي
حمام صايم = يعني دكرة النش اللي لم تر ا طواير خالص
كشف الحمام = يعني فصل الذكر عن الانثي عشان الراحة و القلش
القنطرة = المسافة اللي بتكون بين العضمة المنقار و عين فرد المراسلة و دة عيب لازم العين و العضمة قرييبين من بعض و كل ما فلت المسافة احلو الفرد المرسلة
خلعة او خلع فى الكتف= عدم اكتمال لون واقى الجناح ووجود جزء ابيض من الريش
توب ملبس= عندما يكون الجزء السفلى من فرد الحمام ملون بلون الجناح (فى الكشكات وما يماثلها فى تركيب اللون
كموخة=عندما يكون خد الابلق طويل جدا ولاحم فى الصدر
متلوتة: تعني العيون التى ينام فيها الحمام
محرقة: يعنى النتاية التى لم يسبق لها الزواج وبدات تزوم زى الدكورة
اشعل: الفرد الاسود المنقط ابيض من المرسلات
شواحط: الشبان الى لسة داخلين على بيض
دكر جاعر= زايف
عاتقة=انثى
ريشة عطار=ريشة فى الذيل تكون مقسومة على شكل هرمى بالطول ويطلق عليه البعض ريشة النصاحه
كموخة=عندما يكون خد الابلق طويل جدا ولاحم فى الصدر
حيرام =عندما يكون خد الابلق طويل جدا ولاحم فى الصدر
مشخورة = ياعنى يكون الدكر راكب دكر تانى
الخولخال = بيكون ريش ابيض فى رجل الفرد القطقاطى ودا يعيب الفرد
الجرايد = 7 او 10 الريشات بيكون بيض فى جناح الفرد
تحبيس = ريش فى ديل الفرد من نفس لون جسمه
سلبه = هيا شكل 7 الموجود فى الحلبيات
السروال = الريش فى رجل الحمام الشقلباظ وكل مايكون طول يكون احسن
كشاكيش = جلد الانف
مبخشش = منقط بطريقه عشوائيه
لغد = اختناق فى الرقبه اسفل المنقار
نهد = اول الصدر
كاسحه = خط غامق فى اخر الزيل
بوق = ريشه مزدوجه بالزيل
الاجه = عندما يكون الزيل الابيض به ريش من لون الجسم
بشد = لون الكتف مثل البلق
خناجر = الجناح المتدلى
هدب = شعر يوجد على جناح الفرد
قصف = قصير
فزع = طير الحمام فجأه لامر ما
زغب = شعر الزغاليل الاصفر
