تغذية الحمام

ايه فايدة الماية بالسكر للحمام؟

تعرف على فائدة تناول الحمام ماء مذاب به كمية من السكر

ايه فايدة الماية بالسكر للحمام؟، نوفر لكم اليوم من خلال موقع زاجل لتربية وعناية أنواع الحمام المختلفة ايه فايدة الماية بالسكر للحمام؟، فقط تابعونا من خلال المقال التالي.

ايه فايدة الماية بالسكر للحمام؟

طبعا كلنا عارفين ان غالبية الميكروبات والجراثيم المسببة للامراض بتحب الوسط القلوى لان الحموضة بتنهى عليها يعنى بتموتها، عشان كده بنحط خل ف المية عشان نحارب البكتريا .. صح ومن نعم ربنا ع الطير انه خللى هناك الية ف الجسم تجعله يحمض نفسه بنفسه، يعنى ان الجسم لو حمض نفسة الفايدة بتكون اعلى

طيب ازاى الجسم يحمض نفسة؟؟؟
بيقولك فية ميكروبات لاهوائية فى القناة الهضمية دى بكتيريا نافعة زى ( كولستريديا نافعة  لاكتوباسيلس  بيفيدوباكتيريم ) على فكرة دى متعايشة فى الاعورين، ودا احد اسباب ان الاعورين ممكن ينتفخو من غير امراض.

طيب انت عارف دول بيعملو اية فى الجسم، البكتيريا النافعة دى بتاخد الكربوهيدرات وخاصة السكريات وبتعملها تخمر تطلع احماض هامة للجسم زى حمض اللاكتيك  البيوتريك اسيد  جمض البروبيونيك
ودا اللى بيخلى الجسم يهضم ويقاوم الامراض المعوية، طيب دا بيحصل طبيعى فى الجسم طالما الامعاء سليمة ( مفيش كوكسيديا او كولستريديا او سالمونييلا او كولاى )، طيب عاوز ترفع حموضة القناة الهضمية وتساعدة ان هو اللى يرفعها.

حطله سكر ف المية، يعنى معلقة كبيرة سكر على لتر المية مرة ف الاسبوع ، دى هاتغنيك عن ادوية كتير … وطبعا عرفتوا ليه، السكر دا بيساعد البكتريا النافعة دى انها تشتغل اكثر وتفرز مزيد من الاحماض النافعة.


(نصائح هامة ) موسوعة زاجل المتخصصة فى تربية الحمام تنصح جميع المربين و غواه تربية الحمام بالتالى :

1- الإهتمام بنظافة مكان تربية الحمام و العناية بنظافة المكان إسبوعياً .
2- غسيل أوانى الشرب يومياً للوقاية من الأمراض مثل السالمونيلا و أمراض الجهاز التنفسى .
3- التأكد من نظافة كلفة الحمام و شرائها من مصدر موثوق . 4- الحرص على توفير كافة العناصر الغذائية فى كلفة الحمام و تنويع الحبوب داخل كلفة الحمام .
5- الحرص على توفير مواد التحديق مثل الجرش و الفحم و الخلطات الجاهزة لأهميتها خاصة أثناء موسم التزاوج .
6-عزل الحمام المريض و التعامل سريعا لإحتواء أى أمراض مثل الكنكر و السالمونيلا .
7-قضاء الوقت المناسب مع الحمام مع الملاحظة الشديدة للحمام للتعرف على أى أعراض مرضية قد تظهر مثل الأمراض التنفسية و إبتعاد فرد الحمام عن الأكل أو الإنكماش و نفش الريش إلخ .
8-الإهتمام بتنظيف العيون جيدا خاصة بعد كل عش .
9-شراء الجرش بكمية كبيرة لن يتخطى تكلفة 80 جنية وزن يتخطى 100 كيلو للشيكارة و يضاف عليها جير حى و فحم علما ان هذه المكونات تتوفر لدى بائعى و تجار الكلفة و الغلة .
10-يجب أن تتعلم الحقن حتى تستطيع علاج الحالات المرضية الشديدة بالحقن مباشرة


إذا لديك إى إستفسار أتركه فى التعليقات أو تواصل معنا عبر نموذج إتصل بنا
الوسوم
حمل تطبيق موسوعة تربية الحمام مجانا حمل تطبيق زاجل مجانا

موسوعة زاجل لتربية و علاج الحمام

أحب تربية الحمام الغزار المصرى و الحمام الزينة بأنواعه المختلفة لذا قررت إطلاق أول و أكبر موسوعة مصرية فى تربية الحمام الغزار المصرى , تتميز الموسوعة بمحتواها من أهم معلومات حول تربية و إنتاج الحمام و تغذية الحمام و طرق تربية الحمام الصحيحة كما توفر محتوى مميز من أمراض الحمام و طرق العلاج .

مقالات ذات صلة

زر الذهاب إلى الأعلى
إغلاق