أمراض الحمام

أعراض مرض الإسهال الأسود القاتل عند الحمام وكيفية علاجه

كيفية علاج الإسهال الأسود في الحمام

أعراض مرض الإسهال الأسود القاتل عند الحمام وكيفية علاجه، نوفر لكم اليوم من خلال موقع زاجل لتربية وعناية أنواع الحمام المختلفة أعراض مرض الإسهال الأسود القاتل عند الحمام وكيفية علاجه، فقط تابعونا من خلال المقال التالي.

أعراض مرض الإسهال الأسود القاتل عند الحمام وكيفية علاجه

مرض الإسهال الأسود أو ما يسمى ب” الكلوستريديا ” هو ميكروب انتهازى يعنى موجود طبيعى فى الجسم وأول مالظروف تتهيا لتكاثره واحداث اصابة على طول بيتحول لميكروب ضار، لا هوائى يعنى أول ارضية السلاكة او العين تتبل او تتسخ والتهوية تبقى سيئة على طول تستناها فى السلاكة سريعة جدا فى التكاثر وبتصيب الأمعاء عشان ده اكتر مكان مفيش فيه اكسجين فى الجسم .

كل مالنافق اتعفن بسرعة طول مايبقى فيه كولستريديا كتير من الميكروبات اللى بتعمل سموم دخلية وخارجية وعصبية بتعمل التهاب معوى شديد ودايما بتاخد أكبرالأحجام وزناً، توأم لمرض الكوكسيديا لأ، ظروف تكاثرهم واحدة وهى سوء الفرشة وزيادة الرطوبة فى العنبر وده بيقلل الأكسجين، مده الحضانة1- 6 أيام وأعراضها تختلف على حسب شدتها .

أعراض مرض الإسهال الأسود القاتل عند الحمام

إسهال بنى – اسود – يابس – مزيت انخفاض فى أكل والشرب قد يصل للتوقف التام للدواجن وبالتالى بتلاقى فقدان فى الوزن بعد مده طويلة
فى الحالات المتأخرة بتتحول لمرض البوتيولزم بسبب السم العصبى وتلاقى الفرد رمى منقاره فى الأرض ومد رقبته وبيترعش (زى مرض الجمل بالظبط)
فى الحالات المتأخرة برضه هتلاقى نافق وبياخد دايما الفراخ الأعلى وزناً
طيب بالنسبة للتشخيص والتفريق بينها وبين الكوكسيديا لازم ميكروسكوب، التشريح انتفاخ الأمعاء وامتلائها بالغازات والتهابات فى الأمعاء وبتحول لتهتك فى الجدار وتلاقى الامعاء مليانة أكل مش مهضوم مختلط بخلايا ودم من الجدران
الالتهابات فى الأمعاء بيعملها نيوكاسل معوى أو حشوى وكمان الكوكسديا وكمان السالمونيلا اللى بتبقى موجودة فى البط والعائلة المائية .

كيفية علاج الإسهال الأسود في الحمام

قبل العلاج لازم تمنع الظروف المناسبة اللى عملت الجو ملائم لها من الأساس
يعنى هنقسم العلاج لمراحل
مرحلة أولى فى العلاج وهى تظبيط الظروف المحيطة هنا هاتنضف الارضية والرطوبة فى العنبر والأمونيا الزيادة
المرحلةالتانية فى العلاج هى القضاء على الميكروب الموجود فى الأمعاء بواسطة المضادات الحيوية زى الأموكسى – البى ام دى – الأمبسلين – الفلاجى موكس- المترونيدازول- البنسلينات – الكلوروتيتراسيكلين- كبريتات النحاس
والمرحلة الأخيرة هى تعويض الجسم باللى حصله من الميكروب يعنى بندى فيتامين ك3 عشان الأنزفة اللى كانت موجودة – بندى محمضات عشان تغير الوسط اللى بتشتغل فيه الكولستريديا – وبندى كمان بروبيوتك عشان تعوض البكتيريا النافعة اللى فى الامعاء الى موتتها الكولستريديا
الخلاصة
———
ربع جرام كبريتات نحاس + 1سم خل مركز/ لتر ماء 5 ايام


(نصائح هامة ) موسوعة زاجل المتخصصة فى تربية الحمام تنصح جميع المربين و غواه تربية الحمام بالتالى :

1- الإهتمام بنظافة مكان تربية الحمام و العناية بنظافة المكان إسبوعياً .
2- غسيل أوانى الشرب يومياً للوقاية من الأمراض مثل السالمونيلا و أمراض الجهاز التنفسى .
3- التأكد من نظافة كلفة الحمام و شرائها من مصدر موثوق . 4- الحرص على توفير كافة العناصر الغذائية فى كلفة الحمام و تنويع الحبوب داخل كلفة الحمام .
5- الحرص على توفير مواد التحديق مثل الجرش و الفحم و الخلطات الجاهزة لأهميتها خاصة أثناء موسم التزاوج .
6-عزل الحمام المريض و التعامل سريعا لإحتواء أى أمراض مثل الكنكر و السالمونيلا .
7-قضاء الوقت المناسب مع الحمام مع الملاحظة الشديدة للحمام للتعرف على أى أعراض مرضية قد تظهر مثل الأمراض التنفسية و إبتعاد فرد الحمام عن الأكل أو الإنكماش و نفش الريش إلخ .
8-الإهتمام بتنظيف العيون جيدا خاصة بعد كل عش .
9-شراء الجرش بكمية كبيرة لن يتخطى تكلفة 80 جنية وزن يتخطى 100 كيلو للشيكارة و يضاف عليها جير حى و فحم علما ان هذه المكونات تتوفر لدى بائعى و تجار الكلفة و الغلة .
10-يجب أن تتعلم الحقن حتى تستطيع علاج الحالات المرضية الشديدة بالحقن مباشرة


إذا لديك إى إستفسار أتركه فى التعليقات أو تواصل معنا عبر نموذج إتصل بنا
الوسوم
حمل تطبيق موسوعة تربية الحمام مجانا حمل تطبيق زاجل مجانا

موسوعة زاجل لتربية و علاج الحمام

أحب تربية الحمام الغزار المصرى و الحمام الزينة بأنواعه المختلفة لذا قررت إطلاق أول و أكبر موسوعة مصرية فى تربية الحمام الغزار المصرى , تتميز الموسوعة بمحتواها من أهم معلومات حول تربية و إنتاج الحمام و تغذية الحمام و طرق تربية الحمام الصحيحة كما توفر محتوى مميز من أمراض الحمام و طرق العلاج .

مقالات ذات صلة

‫2 تعليقات

    1. إزيك استاذ أحمد , بخصوص إستفسارك فلازم الأول أنبهك أن الامراض بتنتقل عن طريق الماء و عدم نظافة المساقى و اوانى الشرب بطريقة شديدة جدا تهدد حياه الحمام بل و تؤثر على التكاليف المدفوعة فى حالة كنت تقوم بعمل مشروع لتربية الحمام .
      بالتالى و عن تجربة عملية فى تنظيف مكان تربية الحمام

      أنصحك بأن تقوم بتنظيف مكان التربية و تطهيرة بأى مطهر بيطرى كما أنصحك بإستخدام الديتول لتنظيف و تطهير اوانى الشرب و المساقى

      لا تنسى استخدام البحث فى الموقع حتى تجد ما تحتاجة دائما

      هنا هتلاقى مواضيع مهمه جدا مثل

      كيفية تطهير أماكن تربية الحمام

      https://www.zajell.com/pigeon-breeding/%d9%83%d9%8a%d9%81%d9%8a%d8%a9-%d8%aa%d8%b7%d9%87%d9%8a%d8%b1-%d8%a3%d9%85%d8%a7%d9%83%d9%86-%d8%aa%d8%b1%d8%a8%d9%8a%d8%a9-%d8%a7%d9%84%d8%ad%d9%85%d8%a7%d9%85/

      كيفية إستخدام مبيد البيتوكس لتطهير اعشاش الحمام و سلاكات الحمام

      https://www.zajell.com/medicines-and-vitamins-pigeon/%d9%83%d9%8a%d9%81%d9%8a%d8%a9-%d8%a7%d8%b3%d8%aa%d8%ae%d8%af%d8%a7%d9%85-%d9%85%d8%a8%d9%8a%d8%af-%d8%a7%d9%84%d8%a8%d9%8a%d9%88%d8%aa%d9%83%d8%b3-%d9%84%d9%84%d8%ad%d8%b4%d8%b1%d8%a7%d8%aa-%d8%a7/

      كيفية إستخدام الجير المطفى فى تطهير و تعقيم سلاكات الحمام و اماكن تربية الحمام
      https://www.zajell.com/pigeon-breeding/%d9%83%d9%8a%d9%81%d9%8a%d8%a9-%d8%a7%d8%b3%d8%aa%d8%ae%d8%af%d8%a7%d9%85-%d8%a7%d9%84%d8%ac%d9%8a%d8%b1-%d8%a7%d9%84%d9%85%d8%b7%d9%81%d9%8a-%d9%84%d8%aa%d8%b9%d9%82%d9%8a%d9%85-%d8%b3%d9%84%d8%a7/

      مع تحيات فريق عمل موسوعة تربية الحمام الغزار المصرى

زر الذهاب إلى الأعلى
إغلاق