موسوعة أسئلة وأجوبة تتعلق بتربية وعلاج الحمام ” الجزء الأول ” ، نوفر لكم اليوم من خلال موقع زاجل لتربية وعناية أنواع الحمام المختلفة موسوعة أسئلة وأجوبة تتعلق بتربية وعلاج الحمام ” الجزء الأول ” ، فقط تابعونا من خلال المقال التالي.

موسوعة أسئلة وأجوبة تتعلق بتربية وعلاج الحمام ” الجزء الأول “

1- ايه افضل حمام للاكل من حيث الحجم غير البلدى ؟

الرومي – الزاجل ” جمعيات ” – الفرنسي .

2- ايه هو سعر جوز الحمام الرومى للتربية ؟

من 200 جنيه الى 300 جنيه .

3- ايه هو علاج الروشة ؟

الروشه أو فيرس النيوكاسيل، العلاج المتبع وهيجيب معاك نتيجة 98%ان شاء الله، عزل الطائر المصاب في مكان مشمس بعيد عن الطيور السليمة، نتف ريش الديل والجناحيين والرقبة وتجريح تشريط بموس الرقبة اذا وجد لون ازرق في الرقبه
ووضع الطائر في أشعة الشمس المباشرة لمدة 21يوم مع الاهتمام بتأكيله وشربة ووضع كلور 2سم للتر في ماء الشرب
اذا وجد اسهال عند الطائر يعطي فلاجيل شرب في البق مباشرة 2سم في اليوم لمدة 21يوم، مع عدم إعطاء أي مضادات حيوية للطائر لعدم جدوها في هذه الحالة، خلال 21يوم سيتحسن الطائر بأذن الله، الطيور السليمة ، إعطاء مصل النيوكاسيل بتاع الحمام وهتجيبه من المصل واللقاح البيطري بالعباسية شارع السكة البيضه، مع وضع كلور في مياة الشرب كل يوم 2سم لكل لتر .

4- هو الحمام ممكن يعمل حساسيه عند الأطفال ؟

ده في حاله أن الحمام مصاب بالحشرات الي اسمهم الفاش أو البرغاش ، ويصاب الاطفال بالهرش .

5- لو سمحتوا عاوز اعرف لية الحمام عندى بيبيض بيضة مليانة و بيضة فاضية دى تانى مرة يحصل كدا ؟

الرأي الأول : ده عيب دكر اديله فلفل أسمر .
الرأي الثاني : دا عيب نتايه مش دكر لماتبيض النتايه شيل اول بيضه لما تبيض البيضه التانيه حط البيضه الاولي .