أمراض الحمام

علاج عطس الحمام ايه؟

كيفية القيام بالتعرف على أعراض وأسباب وطرق العلاج والوقاية من البرد والكحة والعطس عند الحمام

علاج عطس الحمام ايه؟، نوفر لكم اليوم من خلال موقع زاجل لتربية وعناية أنواع الحمام المختلفة علاج عطس الحمام ايه؟، فقط تابعونا من خلال المقال التالي.

علاج عطس الحمام ايه؟

أعراض المرض:

احنا دلوقتى في جو ما يعلم بيه الا ربنا وكل شويه تغييرات يوم هوا ويوم برد ويوم شمس وحار ونهار حار وليل بارد فيه تغيرات بتحصل في الجو وكل دا الحمام بيتاثر بيه وانت مش واخد بالك وفجأه تلاقي الحمام بيعطس – بينهج – نافش ريشه – مش بياكل كويس – واخد جامب – مخاط داخل الانف سادد مجري التنفس – سعات منلاقي داخل فمه ريش – عد القدرة على الطيران كل دا بسبب البرد.

أسباب المرض:

البرد بييجي للحمام في وقت تغير بين فصل الصيف والشتاء او العكس الان في الوقت ده بيبقا الجو مش منتظم اوقات حر واوقات برد وفي بعض الحالات الحمام بيتعب ويجيله برد بسبب الغاوي وقله خبرته في سلكته سعات الغاوي بيلاقي الجو برد شويه فبيقفل فتحات التهيه في سلكته او في تغير بين الشتاء ودخول الصيف والحر الغاوي بيستعجل ويفتح اماكن التهويه قبل استقرار الجو فا بالتالي الحمام بيبرد من طيارات الهواء البارده لان الغاوي قليل الخبره عمل تغير مفاجئ في درجه حراره المكان لازم تهتم بالكلام ده وتخليك حساس في التعامل مع الطير اللي بتربيه عشان دي روح وهي مش هتتكلم وتقولك ايه المشكله اللي بتواجها في تغيير الجو المفاجئ غير لما حضرتك تشوف الحمامه تعبانه وتبتدي تعالج

علاج المرض:

1) – تترسيكلين 250 مضد حيوي من صيدلية بشري كبسوله في الفم مباشرة بعد ما نبلها بريقنا او بشويه ميه علشان فرد الحمام يبتلعها وما يشرقش منك ويرجعها وتتاكد انه ابتلعها لمده 3 ايام ولو مازال البرد متواجد ولكن ليس الاول وبيتعافى ومازال اعراضه متواجده هنمد الجرعه ل 5 ايام ولو هندى للحمام جماعي يبقى عن طريق المسقى مياه الشرب هنفضي كبسولتين على لتر مياه لمده 5 ايام ولو الاعراض شبه مازالت متواجده ولكن بتنخفض هنمد الجرعه لاسبوع
2) – تترسيد مضاد حيوي 250 ( ودا بديل للتترسيكلين ) علشان في ناس مش بتلاقيه وبتدوخ عليه وجرعته هي هي نفس جرعه التترسيكلين – كبسوله في الفم مباشرة بعد ما نبلها بريقنا او بشويه ميه علشان فرد الحمام يبتلعها وما يشرقش منك ويرجعها وتتاكد انه ابتلعها لمده 3 ايام ولو مازال البرد متواجد ولكن ليس الاول وبيتعافى ومازال اعراضه متواجده هنمد الجرعه ل 5 ايام ولو هندى للحمام جماعي يبقى عن طريق المسقى مياه الشرب هنفضي كبسولتين على لتر مياه لمده 5 ايام ولو الاعراض شبه مازالت متواجده ولكن بتنخفض هنمد الجرعه لاسبوع
3) – فلومكس 250 مضد حيوي ونفس جرعة التترسيكلين او التترسيد كبسوله في الفم مباشرة بعد ما نبلها بريقنا او بشويه ميه علشان فرد الحمام يبتلعها وما يشرقش ويرجعها منك وتتاكد انه ابتلعها لمده 3 ايام ولو مازال البرد متواجد ولكن ليس الاول وبيتعافى ومازال اعراضه متواجده هنمد الجرعه ل 5 ايام ولو هندى للحمام جماعي يبقى عن طريق المسقى مياه الشرب هنفضي كبسولتين على لتر مياه لمده 5 ايام ولو الاعراض شبه مازالت متواجده ولكن بتنخفض هنمد الجرعه لاسبوع
4) – اومكسيل 500 مضاد حيوي وعبارة برده عن كبسولات وخد بالك كويس جدا هنا ( هنا بقى هنغير الجرعه علشان دا مش 250 دا 500 ) اصحو للكلام والجرعه هنحلل الكبسوله على 4 سم مياه وهندي كل فرد 2 سم في الفم مباشرة ( يعني الفرد ياخد 2سم من ال 4 سم مياه اللي ضفنا عليهم الكبسوله ال 500 )
ولو هندىي جماعى عن طريق المسقى برده الامر هيختلف من كبسول مضاد حيوي 250 في جرعته وال 500 في جرعته وهنا هندى جماعى كبسولة واحده على لتر مياه لمده 5 اياه ولو الاعراض شبه مازالت متواجده ولكن بتنخفض هنمد الجرعه لاسبوع
ملحوظه دا مضاد حيوي مهما كان 250 او 500 لما تيجي تدى الجرعه اديها بعد ما تكلف الحمام وجبة خفيفه علشان فرد الحمام ما يسقطش منك ويحصل هبوط حاد ف بالدم وتضعف مناعته دا مضاد حيوي يا اخونا وبعدها هندى لازم ولابد وحتما فيتامينات تعوضه عن نقس المناعه اللي احدثت عن طريق استخدامنا المضاد لعلاج البرد او تنسو ( اللهم بلغت اللهم ف اشهد على ما اقوله )
وفي برده ادوية عبارة عن دواء سائل ممتاز ويفيد في حاله البرد للحمام علشان الناس اللي هتخاف تدى الجرعه مباشرة من الكبسول في الفم او فترة العلاج عن طريق المسقى تطول معاهم او ممكن تغلط وتدى جرعه زياده او تنسى تدى فيتامينات بعد المضاد
1 ) – اولفنت سائل ( صيدلية بشري ) 225 ملم .. ودا مفيد جدا في النهجان وخرخشه الصدر والكحه وبيطرد البلغم المتراكم في حلق الحمام ويوسع الشعب الهوائية ويخليه يقدر يتنفس بشكل منتصف واستخدامه عن طريق قطارة لو هنعالج فردي هنقط في فم الحمامه 5 نقط لمده 5 او لو هندى جرعه جماعية للحمام يبقى عن طريق المسقى مياه الشرب وهنحط من الدواء ملعقه كبيرة على لتر مياه لمده 5 ايام
2_فينادون شراب ( صيدلية بشري ) ) 225 ملم .. نص سم في الفم مباشر لمده 5 ايام جماعي ملعقه كبيره علي الليتر لمده 5 ايام
سؤال …طب يا ابو يس انت دلوقتى قولت ان الحمام اعراض البرد عليه زي ما فهمتنا كششان وعطس ونهجان وخلافه واديتنا علاج مضاد حيوي كبسول وسائل بس ما قولتش هنعالج الحمام اللي لما يكون عنده برد بيكون في ايضا اسهال ازاي ماهو المضاد الحيوي للبرد طيب والاسهال ؟
هرد عليك واقولك ان اعراض البرد لو مش مصاحبة اسهال يبقى دي جرعتك
لكن لو في اسهال بقى تعال هنا هقولك تعمل ايه
لما نلاقي الحمام عنده اعراض البرد زي ما قولتلك ولاحظتها على الحمام بص على الرزق بتاعه في اسهال ( وركز معايا علشان انواع الاسهال بتختلف فلو كان الاسهال مائي فقط مصاحب لون الرزق الطبيعي بتاعه يبقى دا اسهال بسبب البرد ) ركز كويس في اللي بقوله علشان لو اللون مختلف يعني مصفر غامق او مخضر او ابيض برغاوى او نصف متماسك مع رغاوى يبقى عندنا مشكلة تانيه ولازم تعرض في الجروب وعلى الغواه صورة توضح لون الاسهال او الرزق مع ذكر الاعراض بوضوح علشان يساعدوك ويقولوك تعالج بايه
واللي هيوضحلك اكتر ويخليك تطمن ان الحمام عنده برد والاسهال مائي فقط عن طريق نهجان او عطس الحمام او داخل فمه ريش او تحس ان صدره في خرخشه او كحه بسيطه ودول اهم حاجه في اعراض البرد لان الكششان وعدم الاقبال على الاكل وعدم القدره على الطيران ( خلى بالك انا ما قولتش على الوقوف والحركه ) انا بقول على الطيران ركز معايا علشان تتعلم ان البرد لو اتملك من فرد الحمام بيدوخه ويضعفه ويخليه مش قادر يطير او يرفرف حتى بجناحه لكن لو مش قادر يقف دي قصه تانيه ف اصحى معايا ولو في اسهال من غير الاعراض العطس او النهجان او خرخشه الصدر او الحكه يبقى دا مرض مختلف فركز واتعلم واستفيد كويس من كلامى
المهم في اسهال مع البرد يبقى هنجيب من صيدليه بشري مع المضاد
مطهر معوي اي نوع من الادويه التاليه انتينال او فيلاجيل او امريزول وهندى الاول جرعه للاسهال 1 سم في الفم مباشر عن طريق سرنجه قبل الاكل ب 3 ساعات لمدة 5 ايام ولو هندى جرعه جماعي عن طريق المسقى يبقى 2 سم على اللتر برده قبل الاكل ب 3 ساعات وبعدين قبل ما نكلف الحمام على طول هنشيل بقيت الميه اللي فيها جرعه المطهر ونغيرها بمياه عاديه
ركز بقى معايا هنا .. بعد بقى ما نكلف الحمام مية مية بساعتين كده هندي جرعه المضاد لو هندى في الفم مباشرة ف عادى سيب المياه زي ما هى لكن بقى لو هندى وهنفضي كبسول في الميه يبقى زي ما قولتلك انت كده كده غاسل المشرب الخاص بيهم ومغير المياه فاتعب شويه معلش وغيرها تانى وحط جرعه المضاد والصبح غير الميه
ملحوظه لو هندى الجرعتين عن طريق المسقى لازم بعد كل جرعه تختلف عن الاخرى تغيير المياه وغسل المشرب كويس
يا اخونا يا مبتدئين المحترمين يا حبايبنا الغواة قليل الخبره لازم نعالج مرض البرد اول ما نلاحظ ظهور الاعراض دي عليه علشان لو ما لحقناش الحمام اللي عنده برده وسارعنا بعلاجه هندخل في مرض اكبر وهو السلامونيلا وهنتعب في علاجه واكيد هيسقط منك حمام لانك قليل الخبرة في علاج السلامونيلا وخليك دايما كاشف الحمام يعني متابعه اول باول وشوف صحته واكلته وشربه للميه وشقواته وحركته وبص وشوف لون الرزق ولو شكيت في فرد حمام واخد جامب كده قرب منه ولو فاق وهرب منك ما تسكتش لا اطفى النور بليل وامسكه وافحه وشوف فتحة الانف تمام والتنفس كويس اوعنيه مش مدمعه او مش بيعطس وبص على مخرجه شوف حوالين ريش مخرجه في اسهال ملطخه شوفه كده بالع في بوقه ريش ولا لاء وبعد ما تفحه وقفه على كف ايدك وشوف هروبه منك واتاكد من صحته


(نصائح هامة ) موسوعة زاجل المتخصصة فى تربية الحمام تنصح جميع المربين و غواه تربية الحمام بالتالى :

1- الإهتمام بنظافة مكان تربية الحمام و العناية بنظافة المكان إسبوعياً .
2- غسيل أوانى الشرب يومياً للوقاية من الأمراض مثل السالمونيلا و أمراض الجهاز التنفسى .
3- التأكد من نظافة كلفة الحمام و شرائها من مصدر موثوق . 4- الحرص على توفير كافة العناصر الغذائية فى كلفة الحمام و تنويع الحبوب داخل كلفة الحمام .
5- الحرص على توفير مواد التحديق مثل الجرش و الفحم و الخلطات الجاهزة لأهميتها خاصة أثناء موسم التزاوج .
6-عزل الحمام المريض و التعامل سريعا لإحتواء أى أمراض مثل الكنكر و السالمونيلا .
7-قضاء الوقت المناسب مع الحمام مع الملاحظة الشديدة للحمام للتعرف على أى أعراض مرضية قد تظهر مثل الأمراض التنفسية و إبتعاد فرد الحمام عن الأكل أو الإنكماش و نفش الريش إلخ .
8-الإهتمام بتنظيف العيون جيدا خاصة بعد كل عش .
9-شراء الجرش بكمية كبيرة لن يتخطى تكلفة 80 جنية وزن يتخطى 100 كيلو للشيكارة و يضاف عليها جير حى و فحم علما ان هذه المكونات تتوفر لدى بائعى و تجار الكلفة و الغلة .
10-يجب أن تتعلم الحقن حتى تستطيع علاج الحالات المرضية الشديدة بالحقن مباشرة


إذا لديك إى إستفسار أتركه فى التعليقات أو تواصل معنا عبر نموذج إتصل بنا
الوسوم
حمل تطبيق موسوعة تربية الحمام مجانا حمل تطبيق زاجل مجانا

تعليق واحد

زر الذهاب إلى الأعلى
إغلاق