حل مشكله حجم الزغلول بعد الفقس –

حل مشكله حجم الزغاليل :-

المشكله  دي لها اكثر من حل وهانتكلم عنها مفصله من اول الحصي الي الفطام

ولكن في البدايه يجب معرفة أسباب حدوث هذه المشكله
لسهوله التعامل معها
من المعروف والطبيعي أن الطيره تضع بيضتين في كل مره وتضع البيضه الأولي في اليوم الأول  ثم تضع الثانيه في اليوم الثاني أو الثالث
وهذه ليست مشكله ولكن تأتي المشكله عندما ترقد علي البيضه الأولي مما يجعلها تفقس قبل البيضه الثانيه بيوم او يومين فياخد الزغلول الاول نصف غذاء تلبين القص وعندما يفقس الزغلول الآخر فهو يشاركه في نص التلبين المتبقي مما يجعله يحصل فقط علي ربع التلبين وهذا ما يجعله ضعيفا بالنسبة إلى الزغلول الاول 

ونأتي في هذا الموضوع ببعض الطرق التي تؤدي الي تفادي هذه المشكله والاجابه علي الأسئله


الطريقه الاولى : هي ان تقوم بمتابعه القص جيدا بعد التلاقي إلي أن تبيض الطيره البيضه الاولي 
ثم تقوم بازاله البيضه من الطاجن برفق ووضعه في طاجن اخر في درجه حراره الغرفه لحين أن تبيض الطيره البيضه الاخري فتقوم باعادت البيضه الأولي الي الطاجن ليرقد عليهما القص معا في يوم واحد وبكده انت حليت المشكله قبل ظهورها ومن البدايه


الطريقه الثانيه : تحدث عند رؤيه القص راقد علي البيضه الأولي فلا تقوم بازالتها في هذه الحاله لانها تصبح دافئه وحين ازالتها سوف تفقد الزغلول 
عليك بلانتظار حتي يوم  الفقس 
ثم تقوم بتعليم الزغلول الذي فقس في الاول بعلامه بقلم فلومستر مثلا لتمييزه ومعرفته لحين فقس الزغلول الآخر 
هنا تأتي مهمتك وهي أن  تقوم بوضع الكلفه للقص وعندما يكلف تقوم بازاله الزغلول الاول الملبن المتعلم اللي فقس الاول ووضعه في مكان دافئ لمده ساعه لحين كلفه القص وبدايه الزق للزغلول الثاني ثم نقوم بوضع الزغلول الاول في مكانه تحت القص وتقديم كلفه مره اخري
ونقوم بعمل هذه الطريقه مره واحده فقط في أول ثلاث ايام من الفقس 

بعد مرور ثلاث ايام نقوم بمتابعه الزغاليل هاتلاقيهم قد بعض 
طيب لاقيت واحد اكبر من التاني أو ملبن عن التاني أو واكل اكتر من التاني  تعمل ايه ؟

تعمل خلطه السيريلاك وهي عباره عن :-
معلقه سيريلاك قمح ( قمح بس من غير عسل )
معلقه لبن نيدو بودره 
معلقه فول صويا بودره 
رشه ملح خشن
ربع كوب ماء دافئ
نقوم بوضع السيريلاك واللبن النيدو وفول الصويا علي الماء والملح في طبق ونقوم بلتقليب جيدا حين يصبح الخليط متماسك 
ثم نقوم بوضعه في الزغاطه ونزق بيها الزغلول المتلبن الزغلول المتعلم الزغلول اللي واكل ومعدته مليانه  يا جماعه الزغلول الكبير  زق الزغلول الكبير واعزله لحد ما الصغير ياكل وياخد باقيت غذاه من تلبين  القص وبعدين حط الكبير وزود كلفه للقص الحضان
انا  لاحظت بعد اسبوع أن فيه زغلول اكبر من زغلول الحل ايه ؟


بعد اسبوع بيبداء القص يزق خشن للزغليل وتبداء انت كمان تزق للزغلول خشن معاه 
– تدي كلفه فول للقص الحضان يوم بعد يوم 
– ‏وتسلق فول لحد ماتحس أنه اتهري خلاص تقوم مقشره وهرسه وتضيف عليه معلقه لبن نيدو وربع كوب مياه دافيه وفي الزغاطه وزود بيه الزغلول الصغير محدش يجيب فول مدمس عشان بيبقه عليه مواد كيماوية الفول انت اللي تعمله بايدك اضمن


وبعد اسبوعين تبداء تزق كلفه للزغاليل بعد زق الحضان ليهم كا مساعده مش اكتر في حاله أن الحضان مش بيزق كويس وابداء بقه تحصيناتك وفيتاميناتك واملاحك المعدنيه كل ده تديه للقص الحضان وهو هايدي للزغاليل 

طيب ايه هي التحصينات والفيتامينات والاملاح ؟
تتراسيد مضد حيوي 
تدي القص الحضان حبايه لكل واحد قبل الكلفه في اول يوم من الاسبوع الأول من الفقس 
فيتامين اده‍ ٣
5 سم في المسقي وتشيل المسقي وتنظيفها بعد الشرب 


تعفير الكلفه :-

معلقه كوركم – معلقه قرفه – معلقه جنزبيل – معلقه  كسبره ناشفه –  معلقه حلبه مطحونه مش حصي – معلقه ثوم بودر – معلقه ملح طعام خشن علي كل 5 كيلو كلفه 
وتكون الكلفه مغسوله ومنديه عشان النعفيره تثبت عليها 


 التحديق :-
 
طوب ابيض جيري متكسر فتافيت قد حبه الذره الصفرا – طوب احمر انتاري متكسر  – عضم سبيط – نخل رمل البحر بس ماتكترش منه عشان حادق قوي