سؤال و جواب

موسوعة أسئلة وأجوبة تتعلق بتربية وعلاج الحمام ” الجزء الثالث “

موقع زاجل ينشر موسوعة أسئلة وأجوبة تتعلق بتربية وعلاج الحمام ” الجزء الثالث “

موسوعة أسئلة وأجوبة تتعلق بتربية وعلاج الحمام ” الجزء الثالث ” ، نوفر لكم اليوم من خلال موقع زاجل لتربية وعناية أنواع الحمام المختلفة موسوعة أسئلة وأجوبة تتعلق بتربية وعلاج الحمام ” الجزء الثالث ” ، فقط تابعونا من خلال المقال التالي.

موسوعة أسئلة وأجوبة تتعلق بتربية وعلاج الحمام ” الجزء الثالث “

1- ازاي احدد عمر الحمام من الريش ؟

تعتمد صغار الحمام على نفسها بعد شهر و من سن ٤٥ يوم يبدا يقلش ريش الاسلحة او ما يسمى بفك الريش
١٠ ريشات المرقمين فى الصورة هما الاسلحة بيفك منهم ريشه كل ١٥ يوم يعنى الطبيعى فى ١٥٠ يوم ( ٥ شهور ) من اعتماده يكون جاهز للشغل وفيه طيور صحتها كويسة بتفك ريشها فى مده اقل وفيه طيور بتشتغل قبل ماتفك اخر ٣ ريشات (عديلة العديلة والعديلة والصمة)
فى الصورة الريشة بلون اخضر هى اللى بتفك هتلاقيها اقصر من باقى الريش و الدم ظاهر فيها
يعنى الفرد ده يتقال عليه فك ٧ ريشات او فاضل عليه ٣ ريشات ويخلص
الطيور المسنة بتفك ريشها برده لكن ازاى اعرف انه فرد شباب ولا شغال قبل كده؟
الشباب بتفك نفس الريشة فى الجناحين فى نفس الوقت
الشغال ممكن فى جناح يكون بيفك التالتة وفى الجناح التانى يفك السابعة مش ضرورى يمشوا بنفس الترتيب .

2- ما هو علاج النتايه الكبيرة في السن و اللى ب تبيض بيضة واحده أو بيضة صغيره ؟

معلقة كمون مع معلقة ملح على 3 كيلو كلفه علاج قوى جدا للنتايه الكبيرة في السن و اللى ب تبيض بيضة واحده أو بيضة صغيره .

3- ايه علاج كسر البيض ؟

ده نقص كالسيوم هات كالسيوم فاركو من الصيدلية البشري وادي ربع قرص لمده 5 ايام .

4-  عندى فرد حمام فاتح بقه وبينهت جامد بقالو 4 اياام واكله بقى ضعيف جداا ، اعمل ايه ؟

الإجابة الأولى: اديله فينادون 2 سم فالفم 4 ايام بشري وبعدها فيتامين .
الإجابة الثانية: دوكسي مايسين .

5- كيف اخلي الدكر يهيك مش راضي يتزوج ؟

الإجابة الأولى: احبس دكر في عين ونتايه جنبه في عين بحيث يشوفوا بعض .
ادي ذكر 3 حبات فلفل اسمر لمده 5 ايام. و سيلينيوم ه و فيتامين و اهتم بالتحديق و بعد اسبوع دخل نتايه علي ذكر في العين عنده .

الإجابة الثانية: احبسه لوحده فعين كام يوم وبعد كده دخل عليه النتايه .


(نصائح هامة ) موسوعة زاجل المتخصصة فى تربية الحمام تنصح جميع المربين و غواه تربية الحمام بالتالى :

1- الإهتمام بنظافة مكان تربية الحمام و العناية بنظافة المكان إسبوعياً .
2- غسيل أوانى الشرب يومياً للوقاية من الأمراض مثل السالمونيلا و أمراض الجهاز التنفسى .
3- التأكد من نظافة كلفة الحمام و شرائها من مصدر موثوق . 4- الحرص على توفير كافة العناصر الغذائية فى كلفة الحمام و تنويع الحبوب داخل كلفة الحمام .
5- الحرص على توفير مواد التحديق مثل الجرش و الفحم و الخلطات الجاهزة لأهميتها خاصة أثناء موسم التزاوج .
6-عزل الحمام المريض و التعامل سريعا لإحتواء أى أمراض مثل الكنكر و السالمونيلا .
7-قضاء الوقت المناسب مع الحمام مع الملاحظة الشديدة للحمام للتعرف على أى أعراض مرضية قد تظهر مثل الأمراض التنفسية و إبتعاد فرد الحمام عن الأكل أو الإنكماش و نفش الريش إلخ .
8-الإهتمام بتنظيف العيون جيدا خاصة بعد كل عش .
9-شراء الجرش بكمية كبيرة لن يتخطى تكلفة 80 جنية وزن يتخطى 100 كيلو للشيكارة و يضاف عليها جير حى و فحم علما ان هذه المكونات تتوفر لدى بائعى و تجار الكلفة و الغلة .
10-يجب أن تتعلم الحقن حتى تستطيع علاج الحالات المرضية الشديدة بالحقن مباشرة


إذا لديك إى إستفسار أتركه فى التعليقات أو تواصل معنا عبر نموذج إتصل بنا
الوسوم
حمل تطبيق موسوعة تربية الحمام مجانا حمل تطبيق زاجل مجانا

موسوعة زاجل لتربية و علاج الحمام

أحب تربية الحمام الغزار المصرى و الحمام الزينة بأنواعه المختلفة لذا قررت إطلاق أول و أكبر موسوعة مصرية فى تربية الحمام الغزار المصرى , تتميز الموسوعة بمحتواها من أهم معلومات حول تربية و إنتاج الحمام و تغذية الحمام و طرق تربية الحمام الصحيحة كما توفر محتوى مميز من أمراض الحمام و طرق العلاج .
زر الذهاب إلى الأعلى
إغلاق