برنامج وقائي مميز لاستقبال الحمام الجديد، نوفر لكم اليوم من خلال موقع زاجل لتربية وعناية أنواع الحمام المختلفة برنامج وقائي مميز لاستقبال الحمام الجديد ، فقط تابعونا من خلال المقال التالي .

برنامج وقائي مميز لاستقبال الحمام الجديد

برنامج وقائي في استقبال الحمام

‼اولا استقبال الحمام :: لو عندك حمام من الاول وفي حمام جديد هتحطه في مكان غير المكان اللي موجود فيه الحمام القديم عشان النفس الجديد هيتعب كل الحمام القديم … اما لو مفيش حمام خالص يبقى تبدأ معايا بالاتي
هندي الحمام كورس علاج وقائي للتأكد من صحته وانه حتى لو عيان يصحى بأمر الله
☺* اليوم الاول : ايفرمكتين 1% .. بيطري
☺* اليوم التاني والتالت والرابع : فلوموكس 250 كبسول بشري
☺* اليوم الخامس والسادس والسابع : اميولانت شراب بشري … جنسنج شراب بشري
☺* اليوم التامن : تحصين او راحة
☺* اليوم التاسع والعاشر : فيتاماونت شراب بشري
☺* اليوم 11 ، 12 ، 13 : راحة
☺* اليوم 14 : ايفرمكتين
الكميات وطرق التقديم
♦ الايفرمكتين :: عبارة عن امبول هتسحب منه بسرنجة وتفضي في قطارة وهتنقط نقطتين في بق الفرد للديدان وهتنقط على الجلد مش الريش في القفا ( الرقبة من ناحية الضهر ) وتحت الباط يمين وشمال وفي القصعة اخر حتة في ضهر الفرد من ناحية ديله يعني نقطة واحدة في كل مكان من السابق
♦ فلوموكس :: حباية لكل فرد
♦ اميولانت + جنسنج :: لو الحمام قليل وهتدي فردي يبقى نص سنتي اميولانت + نص سنتي جنسنج وتدي الفرد في بقه بالسرنجة من غير الابرة
* لو جماعي يبقى 10 سنتي اميولانت + 5 سنتي جنسنج لكل لتر مياه
♦ فيتاماونت :: سنتي في بق الفرد لو فردي ولو جماعي يبقى 5 سنتي لكل لتر
♦ ايفرمكتين :: نفس الطريقة السابقة